
【乳酪咖哩牛仔骨】

用乳酪煮過嘅咖哩特別軟滑,更能帶出當中嘅郁烈香氣,今次我仲加入腰果一齊煮,食起上嚟更有口感,仲好味過出面食嘅咖哩架!
- 1牛仔骨 4條
腰果 70克
洋蔥 1個
香茅 1支
肉桂 1支
原味乳酪 200克
椰奶 200毫升
蒜 4瓣
咖哩粉 3茶匙
黃薑粉 2茶匙
紅椒粉 1茶匙
黃糖 2茶匙
鹽 適量
黑椒 適量牛仔骨醃料:
鹽 1/2茶匙
生抽 2茶匙
喼汁 2茶匙
胡椒粉 少許
乳酪 2湯匙 - 2牛仔骨切塊後加入1/2茶匙鹽,2茶匙生抽,2茶匙喼汁,少許胡椒粉,2湯匙乳酪,拌勻醃20分鐘。
- 3蒜切成茸,香茅切段,洋蔥一半切碎,另一半切塊
- 4中火,放少許油,煎香腰果。
- 5加入蒜茸及洋蔥碎,略炒。
- 6加入200ml 椰奶。煮4分鐘。
- 7把腰果椰奶放入攪拌器,打15秒。備用。
- 8中火燒熱鍋,放入洋蔥,香茅,快炒至香氣四溢。
- 9放入牛仔骨,輕輕煎香兩面。
- 10加入步驟7之腰果椰奶,肉桂條,乳酪,黃薑粉,咖哩粉,紅椒粉,黃糖,然後拌勻。
- 11轉細火,加蓋燜8分鐘。
- 12開蓋後加入適量鹽及黑椒調味,拌勻後即可上碟。
- 13完成!
資料來源: bigboyrecipe
【泰式黃咖哩牛腩】

主要食材 | |
---|---|
急凍牛腩條1包 薑片數片 冰糖1粒 (1/2個兵乓球大小) 花雕1湯匙 大洋蔥1個切片 薯仔2個 籃象 (Blue Elephant)黃咖哩醬1包 Kara 椰漿約 100ml(隨意) 魚露, 糖, (隨意) |
用係泰國買返你既黃咖哩醬, 做出完全泰風味的咖哩牛腩, 朋友們都大讚好味
- 1-牛腩出水(15分鐘) 撈起備用, 燒滾水 (份量要蓋過牛腩條),加薑片數片 / 冰糖 / 花雕, 放加牛腩約炆一個半小時 + 焗30分鐘 / 或到牛腩淋軟,撈起牛腩, 湯留用(用隔油網網去湯上面的油份)
- 2
薯仔蒸20分鐘至8成熟, 襯熱撕去皮, 切成件備用
-易潔鑊燒熱2湯匙油,細火爆香洋蔥爆炒一會,中間撥開一空間,下小許油爆香咖喱醬,
- 3-下適量之前炆牛腩的湯煮滾,再加入牛腩+薯仔, 同炆20分鐘, 加椰醬煮滾及最後試味,如需要可用魚露,糖調味便完成。
- 小貼士
- **不同牌子咖哩醬辣度/味道都有差異, 建議先用3/4包, 試味後再加.
**我用Kara 椰漿, 較杰身同濃味.
**椰漿可增加香味同減輕辣度, 但不需下太多, 否則顏色變淡, 就會減少泰式風味。
**我用LC煲炆牛腩, 用水的份量較少, 用不同煲具, 水及調味份量請自行調整.
資料來源: owenmama
【咖哩牛肚牛展蘿蔔】

主要食材 | |
---|---|
材料:牛肚250g,牛展250g,蘿白1條,薑5片,冰糖1湯匙,花椒1湯匙,八角2粒,椰汁2湯匙 |
|
汁料:咖哩醬半樽,蠔油2湯匙,雞湯150ml,蒜頭3粒,辣椒2粒,薑3片 |
|
調味:鹽1茶匙,魚露1湯匙,糖少少 |
做小食又得,配飯食又得!但無論新鮮或急凍嘅牛肚都會有股羶味,一定要消除左先得,咁先好味道架嘛!
-
1. 先將牛肚和牛展出水15分鐘,沖洗乾淨
2. 水位要蓋過材料,水滾後放入冰糖,花椒八角,薑片,牛肚牛展,我用壓力煲,水滾起計炆20分鐘至軟身 (如用明火,先炆30分鐘熄火待涼,再次炆30分鐘熄火,重覆多一至兩次,直至用筷子能輕易穿過,牛肚會比較難軟身,所以牛展要先攞起
3. 牛肚牛展沖洗乾淨,切件
4. 蘿白去皮,滾刀切件
5. 依次序炒香汁料中的薑片,蒜頭,辣椒,咖哩醬,蠔油,再加入蘿白,牛肚,牛展,中火炆20分鐘,加入其餘調味,炆至蘿白軟身
6. 食前加入椰汁即可
- 小貼士
- **牛肚一定要預先炆軟先放入汁料,因為牛肚有股羶味,所以一定要分開炆軟左先,令呢個味消左,就唔會影響個汁
**唔用牛展可以改用牛腩,只係我個人覺得牛展和牛肚口感近似爽口,好夾^^
**炆時不用切開,因為會變得好細粒和走樣,炆軟先切就最靚
資料來源: 木瓜廚房