【客家情濃 之 梅菜扣肉】

1.香菇浸軟。
2.五花腩置加了薑片及紹酒的滾水中出水5分鐘撈起，抹乾水份，在豬皮上抹上少許老抽備用。
3.燒熱3湯匙生油，把豬皮向下，半煎炸至豬皮起泡撈起，切成厚片備用。
4.梅菜洗淨，揸乾水份，切成粒。用糖，生抽，料酒撈勻醃15分鐘，然後白鑊炒至乾身。
5.將肉塊，梅菜，香菇，蒜頭拌勻，置碟上，蒸1.5小時至肉塊酥爛即成。

資料來源: sue蔡

【梅菜扣肉】

呢個菜我做一次就夠啦…因為好費時好費油收費心機…我都係貪玩想試一次所以整咋😁我係參考網上食譜，網上食譜多樣化參差，我都係視乎自己心水揀一款咋，其實都大同小異。而且雖然功序煩復，但出鍋一下，見到入口鬆化的肥肉咩都係番晒到啦😝

1 梅菜浸泡一晚，然後仔細沖洗沙石，再切兩三段備用。

2 豬腩肉拔毛洗淨出水，抹乾然後在豬皮上塗老抽，熱油鍋，豬皮向上煎，因有水分所以愈不斷彈油，非常危險，所以小心啲。不斷晒每面至金黃煎，豬皮爆到爆皮，就會靚啲，然後拎起備用。

3 同一鍋，爆香香料，加入梅菜爆炒，加入所有調味料炒香，然後試味。岩味就熄火。

4 豬肉放涼後切片，拎一大隻可以蒸得的碗，然後先把豬肉片排在碗底，然後倒入梅菜，用中大火蒸一小時。最後倒扣一隻碟到就得。小心啲汁太稀流出。

資料來源: 小煮婦littlewife

【梅菜扣肉】

1 腩肉出水，水中可加紹興酒去豬腥味，出水約8~10分鐘，跟住抺乾備用

2 梅菜浸約20分鐘跟住洗淨切粒，揸乾水

3 熱鑊落油，下梅菜炒，落少許砂糖，老抽，生抽，紹興酒炒約3分鐘備用

4 腩肉抺乾後搽上老抽及切片，舖在器皿內，豬皮向下，排好後把已炒好的梅菜放在梅菜上，跟住落兩細粒冰糖

5 封上錫紙蒸約2小時至腩肉冧

6 蒸好後，把梅菜及汁倒出備用

7 預備碟把腩肉倒扣出來，跟住把梅菜及汁倒回碟上即成

小貼士

1. 梅菜炒完可試味，如試出鹹味ok,便可
2. 豬皮向下蒸出來倒扣上碟會靚
3. 腩肉會有油，所以蒸好後會較油，食前可去油才上碟，但炒梅菜不能太少油，因為會好乾，影響味道

資料來源: KitKit’s Kitchen

更多其他精選食譜:

精選意粉食譜

精選燒腩仔食譜

精選肉餅食譜

溏心蛋食譜精選

精選上海菜食譜

精選魔鬼蛋食譜

精選排骨食譜

精選慢煮系列

精選餃子食譜