【蜜桃咕嚕肉】

酸酸甜甜嘅餸一向都好受歡迎！好味道！添多碗飯先！

1

1. 腩排用醃料醃好

2. 蜜桃切件，罐頭水留用

3. 洋蔥和紅甜椒切件

4. 腩排沾上天婦羅炸粉，放入鑊中半煎炸成金黃色至全熟，盛起備用

5. 原鑊倒走多餘油份，落蒜蓉和洋蔥炒香後，加入紅甜椒

6. 加入汁料和罐頭水一同煮滾，加入芡汁 (如本身汁料已經覺得杰身，可以唔落芡！)

7. 最後將腩排和蜜桃快炒至汁料均勻，咁就可以啦！

小貼士

**如不用天婦羅粉，可以直接用生粉或低筋面粉，但天婦羅粉出來的效果好脆，當加入汁料後仍能保持口感，而粉是不用特別用水開，能直接沾滿肉上

**罐頭水浸過果肉，所以十分香甜，記住留來做個汁呀！如果覺得已經夠甜，可以完全唔落糖都可以^^

**因為罐頭水果欠缺果酸味，我就加左少少檸檬汁來提升酸味！

資料來源: 木瓜廚房

【一口蜜桃沙拉豬扒】

夏天最好食D甜甜酸酸既開胃菜，蜜桃配豬扒，一啖一舊，好味一流~

1

黑豚豬扒預先用醃料醃4小時
蜜桃切片備用

2

焗爐180C預熱，豬扒放入焗15-18分鐘 (全熟)
豬扒出爐後，煎/切成細件

3

預備1個小碗，將沙拉醬調味料拌勻
開鑊，落小小焗豬扒後既油…加豬扒件及沙拉醬炒勻
加蜜桃片，快炒拌勻
食得啦!!!

小貼士

*用金沙骨做法一樣
*如果無焗爐，可用鑊煎熟，但要清潔左鑊先再炒沙拉醬
*焗爐爐溫個個不同，要自行調節，最好係全熟有少少燶邊
*用BB蛋黃醬應該梗好味，平時食壽司冇用既wasabi，
加埋落去，成個味道唔同晒!!!岩晒feel~~~
*沙拉豬最緊要粘滿醬汁，如果中意少醬，可自行調節醬汁份量

資料來源: 姊妹食譜交換週記

【脆爆蜜桃咕嚕肉】

咕嚕肉除了搭配菠蘿，
香甜的蜜桃也可以是一個創新的配搭。
只要火喉和時間掌握得好，
住家脆卜卜咕嚕肉絶對不是夢～

1

肉排洗淨切成約2cm x 2cm大小丁狀。加入調味料中的材料拌勻醃最少15分鐘。

2

蜜桃切丁，三色椒洗淨切角，乾葱拍扁，備用。

3

先煲滾200毫升水，加入鹽、片糖和山楂餅慢火煮至溶。熄火後加入米醋、茄汁、喼汁拌勻備用。

4

鍋內加入約半厘米深的油，大火燒熱至180度，轉中火。準備1碗生粉，肉排逐件從醃料中取出然後撲滿生粉，放入油中以半煎炸方式煎至金黃色並脆身。

5

另一邊同時燒熱油鑊，爆香乾葱，然後加入三色椒炒至略轉色，加入蜜桃炒匀。加入糖醋汁煮滾，拌入生粉水埋芡。然後立即加入炸好並瀝乾油份的肉排，快炒至所有材料裹上醬汁即成。

小貼士

1. 罐裝蜜桃每塊是半隻桃，用三塊即一個半蜜桃就夠了。用菠蘿代替蜜桃即成傳統咕嚕肉，菠蘿用約三片左右就夠。
2. 肉排一放入油中先不要攪拌，否則生粉會掉落，炸好後便不會有脆皮。待一面炸好後才翻面繼續炸，然後慢慢將兩面炸至金黄。
3. 令咕嚕肉脆卜卜的秘訣是炸肉排和煮醬汁要同步進行，肉排一炸好立即加入仍在煮滾的汁內快炒。這樣即使餸菜冷了依然鬆脆。

資料來源: May豬有請