Chef Blog 食譜分享平台
【瓶封迷迭香有機番茄醬】
呢款自家製嘅番茄醬，可以存放於陰涼處半年咁耐，用嚟煮肉丸、意粉、海鮮、西湯乜都得！不過一旦開咗瓶嚟用，就記得心擺返入雪櫃，十日內食用完畢。
- 1
材料：
有機膝上熟番茄 5-6個
檸檬汁 1湯匙
迷迭香 1束
海鹽 少許 - 2
番茄洗淨切塊 (可去皮)，置於隔篩上以濾出番茄汁，這些番茄汁在稍後可大派用場！ - 3
耐熱玻璃瓶要先放入滾水消毒，然後徹底擦乾。先加入檸檬汁、少許鹽及些許迷迭香墊底。 - 4
一邊加入番茄塊，一邊用力擠壓，務求擠出汁液及空氣。期間可加入更多迷迭香或鹽作調味。 - 5
直至離瓶口有1/2吋距離，如果不夠汁液，可用上步驟 2濾出的汁液作為填補。最後可再加少許檸檬汁，以平衡酸鹼度。封蓋前，以乾淨抹布擦拭瓶口，瓶口必定要乾淨無礙物，否則可能導致封瓶失敗。封蓋的力度也要注意，要捉緊在旋緊瓶蓋的第一道力即可，不要過份扭緊。 - 6
取一深鍋，底置網架，注入8分水，水微滾後放入番茄瓶，水要蓋過瓶頂，煮25分鐘。(TIPS:不要蓋上鍋蓋) - 7
煮好後，取出瓶，倒轉放在一乾布上，靜置至少24小時。 - 8
如何知道封瓶成功？假如靜置24小時後，以手指按下蓋頂不會有回彈的感覺，就證明番茄醬已被真空，在不開蓋的情況下可於常溫放上半年。
相反，如果按下蓋頂有回彈的感覺，就是封瓶失敗，你可選擇重覆步驟 6及7，否則就應於7天內食用，期間記得放入雪櫃呀！
- 9
瓶封迷迭香有機番茄醬，完成！用嚟煮肉丸、意粉、海鮮、西湯乜都得！
資料來源: bigboyrecipe
【迷迭香芥末雞腿】
| 主要食材 | |
|---|---|
材料：雞腿2隻，迷迭香1束，牛油30g，洋蔥1個，薯仔1個，西蘭花1個 |
|
| 調味料 | |
醃料：芥末子醬2湯匙，迷迭香碎1茶匙，糖3茶匙，鹽2茶匙，蒜粉1茶匙，胡椒粉少少 |
|
迷迭香加埋芥末子醬，焗出來嘅雞腿真係好香噴噴呀！
- 1. 雞腿解凍洗乾淨抹乾水，用料醃2小時或過夜更入味
- 2. 西蘭花洗乾淨切件，出水半分鐘，瀝水備用； 洋蔥和薯仔去皮切件；油落鑊，洋蔥和薯仔加入少少鹽炒至金黃色，盛起備用； 雞腿落鑊兩邊煎至金黃色，約每邊1分鐘，盛起
3. 依次放入焗盤，洋蔥，薯仔，西蘭花，雞腿，迷迭香，牛油 (放係雞腿面上可以令雞皮變得更金黃色)
- 4. 放入已預熱焗爐中層，用180度焗15分鐘，再轉200度焗多5分鐘，關火後唔好心急攞出來，無火焗多5分鐘，咁就可以啦！
- 小貼士
- **如果唔用焗爐，可以直接用易潔鑊加蓋將所有材料焗至熟，中火霧煙後轉小火焗，大約20分鐘
**可以用筷子插入雞腿中間位置，如冇粉紅色血水滲出即表示熟
**因為小朋友未必鐘意食芥末，所以我特別係側面放左冇芥末的雞上腿一齊焗
資料來源: 木瓜廚房
【BBQ醬迷迭香焗豬肋骨】
| 主要食材 | |
|---|---|
豬肋骨 |
1 條 |
青意瓜 |
1 條 – 切片 |
醃料: |
|
海鹽 |
1/2 茶匙 |
黑胡椒 |
1/4 茶匙 |
紅椒粉 |
1/4 茶匙 |
BBQ 醬 |
5 湯匙 |
迷迭香 |
1 株 – 切碎 |
| 調味料 | |
BBQ 醬 |
3 湯匙 |
蜜糖 |
2 湯匙 |
我家中各人都好喜愛食豬肋骨, 所以每隔一段時間就會煮給大家食. 所以家中一定隨時有樽 BBQ 醬在, 加些不同種類香草, 醃埋, 加入配菜, 放入焗爐焗熟就食得, 超級方便, 而且是極之香口好味架!
1) 豬肋骨解凍, 清洗乾淨, 在背部坑位用刀切開小小, 順次序先下海鹽搽在豬肋骨上, 待 20 分鐘, 之後加入黑胡椒, 紅椒粉, BBQ醬及迷迭香醃約 2 小時左右.
2) 預熱焗爐, 在已放有鍚紙的焗盆上掃上油, 平均舖上意青瓜, 跟住放上已醃好豬肋骨, 封口用 200 度火力焗 20 分鐘.
3) 跟住打開封口鍚紙, 用上火 200 度火力焗 15 分鐘 (其間將汁料淋在豬肋骨身上, 及要掃上 BBQ 醬).
4) 最後掃上蜜糖焗 8 – 10 分鐘就可食用.
資料來源: money ee kitchen