1

水皮方面一定多柔軟，即夠水分，桿時才會水油一齊走。我通常一開始加唔足水分慢慢搓，因太痴手好難搞。搓成團就逐少加水，一路搓一路撻，直至有筋性、光滑同柔軟得黎不痴手即可。不可偷懶呢！

2

3～油酥一定不可以乾！我試過禁多個，粉同油比例2比1最好，記住計埋色素粉！太乾油酥就唔得跟住水皮走，好易破酥。我有時候搓好左後等水皮休息30分鐘後，會乾左啲，我就加多少許油搓一搓。

3

我無刻意磅，全部滾圓後平均一開四就開始包(作戰)
另帶一提，我水皮包完油皮都休息左10分鐘，又真係好似好啲！

4

把水皮平均包住油酥，一定要按實收口，以下落黎操作才會順利。然後蓋好休息10分鐘。

5

收口向上，輕輕用手按扁後先好桿，每次用中間桿上桿下，力度要平均。不要太貪心桿太長，適合而止，否則會破酥。

6

然後由上而下捲起，蓋上保鮮紙休息十分鐘。其餘一樣，記住美容的麵團一定要蓋實，不要風乾。

7

然後收口向上，輕輕用手按扁後先好桿，每次用中間桿上桿下，力度要平均，今次可以比上一次桿薄啲。不要太貪心桿太長，適合而止，否則會破酥。

8

然後蓋上保鮮紙休息多十五分鐘。由中間對切，切面就是向外。桿至大過饀料小小的圓形，然後中間放入餡料，像包包子般用包實。

9

用預熱了180度的焗爐，放中層焗25至30分鐘即可。

小貼士

～我用過不同的食譜，有好有壞。不斷練習的試驗後，我已經沒有跟死一個食譜了，參考不同的食譜，自己加加減減，執生。

～就係唔好太心急同貪心。全部慢慢黎桿，輕力由中間桿前桿後～一路桿一路拎起留意前後有沒有破酥。唔好貪心就係唔好因為想要多層次而蒙蔽左。我就係試過，諗住：仲可以長啲嘅⋯⋯繼續桿啦，就挑戰極限破了～所以留得青山在，會有柴燒嘅

～鬆弛要夠，我最少都10—15分鐘架！同有冷氣地方一定要蓋實，風乾左就好易破酥，前功盡棄了！

～基本上包饀方面應該沒有什麼大失望，很容易。漏饀都應該唔點會，除非大家太流太濕，如果唔係爆的機會都幾大！我包過蓮蓉、奶黃、朱古力、紅豆等⋯

資料來源: 小煮婦littlewife

【南瓜酥餅】

1

準備好所有材料。

2

先將南瓜洗淨，蒸20分鐘至熟，備用。

3

將南瓜肉及糖冬瓜放入攪拌機內。

4

再加入油份。

5

將南瓜與糖冬瓜攪拌成漿狀。

6

易潔鑊，中火，放少許油，加入南瓜漿炒成蓉，放涼或冷藏一夜。

7

急凍酥皮由冰櫃拿出，回溫15分鐘。

8

將酥皮切成4長條，每兩長條捲成一條圓柱狀。

9

將圓柱壓平，邊位壓薄一點。

10

將餡料放入酥皮中，包好，收口向下。

11

掃上少許蛋漿，再灑上芝麻。

12

180度預熱焗爐，將南瓜酥餅放入爐，烤焗15分鐘。

13

再轉190度，烤10分鐘即可。

小貼士

– 可按個人口味更改餡料味道。
– 急凍酥皮可於大型超市及烘焙店購買。
– 掃上蛋液可使月餅顏色更美觀。
– 炒餡料宜用易潔鑊。
– 以上份量可製6個2寸大小的酥餅。

資料來源: 戀上味覺

更多其他精選食譜:

精選意粉食譜

精選燒腩仔食譜

精選肉餅食譜

溏心蛋食譜精選

精選上海菜食譜

精選魔鬼蛋食譜

精選排骨食譜

精選慢煮系列

精選餃子食譜