Chef Blog 食譜分享平台
【豉汁排骨蒸陳村粉】 主要食材 腩排 約260克 陳村粉 約250克 指天椒 1隻(去籽切粒) 豆豉 2湯匙 蒜茸 2茶匙 蔥粒 適量 調味料 蠔油 2茶匙 生抽 2茶匙 米酒 1/2湯匙 黃糖 1茶匙 鹽 1/4茶匙 生粉 1/2湯匙 油 少許(撈勻其他醃料後最後才下) 一直想整呢個餸好耐 無奈屋企附近方圓三百里都無得賣陳村粉 所以一直都整唔到 最近去開紅磡，竟然被我無意中發現佢 立即二話不說買回家當晚即做 個蒜茸豆豉醬先爆後蒸特別惹味 陳村粉「索」咗啲豉汁真係正到暈 我到依家都仲回味緊哩~~~~ 1 腩排洗淨後瀝乾水份，加入醃料醃最少30分鐘。陳村粉用熱水略為沖洗一下備用。 2 豆豉洗淨索乾水後樁爛，與蒜茸、指天椒及1½湯匙油伴勻；然後下鑊爆香備用。 3 將已爆香的豆豉蒜茸醬與腩排伴勻；陳村粉用少許生抽略撈勻，然後鋪上碟中，再放上腩排。燒熱水後大火蒸約10分鐘熄火，灑上蔥花上鑊蓋焗約1分鐘即成。 小貼士 1. 豆豉蒜茸醬爆過後才拿去蒸會特別香。 2. 陳村粉可以用粉皮或腸粉代替也會好好味。 3. 傳聞生蔥內可能會有寄生蟲，所以我會在灑上蔥花後上鑊蓋略焗一會令自己安心啲。 …
Read More »精選陳村粉
