1

1. 牛肉切片後，用醃料醃30分鐘

2. 油落鑊，先將洋蔥炒至軟身，盛起

3. 原鑊落蒜頭炒香，轉大火炒牛肉至輕微轉色(要連醃肉中嘅水份)，約5成熟，盛起備用

4. 將炒起牛肉中嘅汁液隔出，和醬料一同煮滾，加入洋蔥煮約3分鐘

5.最後落牛肉和醬汁快手炒勻，即離鑊和盛起，如果唔係就會過熟唔好食！

小貼士

**牛陰柳即係腳中間見唔到光嘅位置，肉質比較嫩滑，亦可以直接買牛柳

**先用糖醃牛肉，肉質自然會鬆化，加啲水來醃又會滑好多，加上用牛陰柳來煮，完全唔需要用鬆肉粉，都又滑又林

**牛肉可以叫肉檔代切片，一定唔會切錯紋，自已切就要逆紋切呀！

**沙嗲醬我就直接用淘大玻璃樽果隻，呢個沙嗲醬唔辣又香濃，小朋友都食到，我個人就唔鐘意用沙茶醬煮，因為好重花生味和帶甜味

**牛肉要用大火炒，亦唔好炒得太耐

**放入食物盒，第二日攞出來食會更入味好食！

**落牛肉前可以先試試個汁嘅味道，咸少少都冇問題，因為放左落啲湯粉或麵包就會減淡左，如果真係太咸，就自行再加水和糖來中和一下

資料來源: 木瓜廚房

【印尼沙嗲牛肉串】